عالم النفس الكبير (إريك إريكسون) بيقسم حياة الإنسان لـ ٨ مراحل ، كل مرحله منهم بيكون فيها صراع داخلي وبيكون مطلوب حل لصراع دا ودول اهم مرحلتين ..!
المرحلة الأولى : الثقه في مقابل عدم الثقه ..!
وهي ان مطلوب من الطرف ان يوصل لطرف التاني رسالة نفسية بسيطة جدا بس هتفرق في حياة الشخص وهي " أنا متاح وقت ما تحتاجني " ..
المرحلة الثانية : وهي الاستقلالية في مقابل الشعور بالعار المرحلة دي بالذات بيكون كل طرف يأثر في التاني بحيث انه اما بيساعد على الأحساس بالاستقلالية و الثقة والقدرة على التحكم في الذات او على الإحساس بـ التردد والخزي والعار..!
تاني حاجة ممكن اتكلم عنها هي مراحل العلاقات ..!
المرحلة الأولى واسمها : (التوحد) : وهي أن يكون طرف من الطرفين مش بيفكر غير في نفسه مش مهتم غير بأحواله مش شايف أي حاجة من الطرف الثاني غير اللي يسعدك ويرضيه ويستغله لمصلحته طول الوقت..
المرحلة الثانية اسمها : مرحلة (التكافل) : والمرحلة دي بيقرر كلا الطرفين أنهم يكتفوا بعض وينعزلو ببعد عن العالم ويقطعوا كل أواصر الصلة بينهم وبين أي حد غيرهم ويفضلوا على هذا النمط لغاية ما يلفوا حوالين بعض حبل المشنقة ؛ مشنقة التحكم والسيطرة والغيرة والخوف وذوبان الحدود ولكن في الحقيقة كل واحد فيهم جواه طفل صغير مرعوب من الوحدة ..
المرحلة التالته واسمها : (الافتراق والتفرد) : ودي بتنقسم لـ ٤ مراحل فرعية :-
أ / آخر انتقالي : بيكتشف الطرفين ان كل طرف فيهم اتنين مش واحد ..!
ب/ بيبدأ طرف منهم يتحرك بعيد عن الطرف التاني بس بيطمن بوجوده وبيرجع كل شويه يطمن انه موجود مهما سافر يرجعله ومهما راح مصيره يعود إليه ..!
ت/ يبدأ كل طرف يعتمد على نفسه ويستقل بيها رغم ان دا بيسببله قلق وألم نفسي لكنه بيساعده في النضج والنمو النفسي السليم وبيساعد جداً في قبول الفقد سواء أماكن أو أحبه أو أشياء ..!
ج/ وآخر مرحله فرعية هي ان طرف منهم بيبدأ يتحمل غياب الطرف التاني لفترات طويلة وقدر يكون جواه نسخه داخليه لطرف التاني تطمنه وتطبطب عليه نفسياً في أثناء غياب الطرف نفسه جسدياً ..! دمتم طيبين والسلام.
0 التعليقات:
إرسال تعليق