إنتي جاية تشتغلي إيه؟
بيوت وعائلات بيكون فيها تبادل للأدوار بين أفرادها بشكل
غريب جدا. فيه بيوت
يعني فيه أم بتبقى كل هوايتها إنها تجيب بنتها الصغيرة، وتقعد تشتكي لها من معاملة أبوها ليها.. وتنتقده قدامها.. وتحكي لها على تفاصيل الخلافات اللي بينهم.. للدرجة اللي تخلي البنت تحس بالمسؤولية عن أمها، وتاخد موقف من أبوها.. وتبدأ تقف قصاده.. وتحمل هم الدفاع . أمها.. وحمايتها.. وأخد حقها.. مع إن دي مش شغلتها.. وده مش مطلوب منها أصلاً. عن
ابن تاني.. بيتعامل معاه أهله بشكل يخليه يحس إنه الشخص اللي لازم يتدخل دايا، علشان يحل المشكلات بينهـم.. ويصلح المواقف المتأزمة في علاقتهـم .. يكلم أمه.. يروح لأبـوه.. يهديهم.. يفهمهم .. يفك الاشتباك مـا بينهم.. كأنه هو القشـة اللي ساندة البيت ومانعاه من الانهيار.. وكأنه هو الشخص اللي شايل على عاتقه استمرار هذا الزواج.. ونجاح هذه الأسرة.. حتى لو على حساب نفسه.
ابن آخر في أول كام سنة من عمره.. يتعمد أبوه بكل إصرار وترصد إله يوصل له إنه راجل البيت .. اللي مسؤول عن أمه واخواته في غيابه.. لخط وينطر بداله.. ويتحكم في سيرا الأمور مكانه.. مش بس " ده بخليه يعمل كده في حضوره وأمام ناظريه. کده..
ظهرت المشكلة؟ وضحت الصورة؟ لسه؟
طيب اقرا الكلام تاني كده.
هتلاحظ إن البنت الأولى بتعمل في البيت وظيفة (الأم) بالنسبة ل (أمها).. هي المسؤولة عنها.. هي اللي مفروض تحمي وتدافع.. هي اللي تتخانق وتثور وتزعل.. هي بطلت تشتغل (ابنة).. واشتغلت (أم).
الابن الثاني أهله بيخلوه يلعب دور الوالد أو الجد (الحكيم).. طوق النجاة.. اللي من غير وجوده تخرب الدنيا.. ومن غير تدخله تتفاقم المشكلات.. ويتحمل هو عبء حلها.. هو هنا بطل يشتغل (ابن).. واشتغل ( أب) لأبوه ولأمه.
أما الابن التالت، فأبـوه قـرر كـده بكل بساطة إنه يشغله (زوج) وأحيانا (أب).. بصرف النظر عن سـنه.. وعن حقه في إنه يعيشـه.. ويستمتع بيه.
تبادل الأدوار والوظائف والمهات في البيوت بالشكل ده، مؤذي بشكل مزعج جدا.. بشكل يشيب الشعر أحيانا.
من كتاب "لأ بطعم الفلامنكو "
دمتم طيبين والسلام.
0 التعليقات:
إرسال تعليق