can u see me?

 (سيجموند فروید) كان عنـده صاحـب وأسـتاذ اسمه (بروير).. بروير كان برضه محلل نفسي واشتغل وكتـب مـع فـرويـد شـوية.. وكان عنده مريضة مهمـة جـدا في تاريخ التحليل النفسي اسمها (أنا) بتشديد النـون.. كانـت بتعـاني مـن أعراض نفسية كتيرة وصعبة اصطلح على تسميتها وقتهـا (هيستيريا)..

(أنا) خلال رحلة علاجهـا حسـت بمشاعر حب وانجذاب ناحيـة الدكتور بتاعهـا.. والمشـاعر دي فضلت تزيد لغايـة مـا تحولـت لرغبـة جنسية وأحـلام بالـزواج.. (بروير) كان بيحلل ده نفسيا ويحاول يحلـه ويعالجـه بهـدوء، لغايـة مـا (أنا) تصـورت إنهـا حامـل منـه وبـدأت تطارده.. الراجل توقـف عـن علاجهـا وحولهـا للمستشفى.. ويقال إنـه مـن وقتهـا سـاب المهنـة كلهـا..

المهـم.. فرويد كان شريك برويـر في الشغل والتحليل النفسي.. وكان بيتابع تحليـل وعـلاج حالـة (أنا).. وقـدر مـن خـلال ده إنـه يكتشف إن كل المشاعر اللي كانت (أنا) بتحسها ناحية (بروير) هي في الحقيقـة مشاعر قديمة ومتخزنة جواهـا نـاحيـة حـد تـاني خالص.. افترض إنه أبوهـا.. وإن المشاعر دي فضلت كامنة ساكنة جواهـا لغايـة مـا جـه شـخص في حياتهـا يمثل دور الأب (الـلـي هـو كان المعالج النفسي).. واتحركت المشاعر دي تاني، وتم إسقاطها (طرحهـا) على شخص (بروير)، وبقت حاسة إنهـا بتحبـه وبقـي عندهـا الرغبة الطفولية في إنها تعيش حياتهـا معـاه عـلـى طـول..

حالة (أنا) بالإضافة لكثير من الحالات اللي كان بيعالجها فرويد وبرويـر سـاعدت على صياغة مفهـوم اسمه (الطـرح) ودخولـه عـالم التحليل والعلاج النفسي لغاية النهاردة..(الطـرح) معناه ببساطة إعادة توجيـه مشـاعر وأفكار وساعات سلوكيات ناحيـة حـد معين في الحاضر (بشكل غير واعي) في حين إن أصلهـا ناحيـة حـد تـاني خالص في الماضي.. وليـه صـور كتير جدا.. ممكـن حـب.. ممكـن كـره.. ممكـن غـضـب. . ممكـن تقـديـس.. وغيره وغيره..

 المفاجأة بقـى إن ظاهرة (الطـرح) دي مش بتحصـل بـس في حجرة العـلاج النفسي.. لا.. دي بتحصـل في البيت.. وفي الشـارع.. وفي الشغل.. وفي أي حتـة..

 إيه الكلام ده؟!

 الكلام ده معناه ببساطة إن ممكن حضرتك تحس بمشاعر ناحيـة حد.. وهي في الحقيقة ناحيـة حـد تاني خالص !!

 لما حضرتـك تشـوف واحـدة في الشارع لأول مرة.. وتحس ناحيتها بحـب مفاجئ وقوي وسريع ورهيسيـب.. وتشـوف فجأة إنهـا أفظع بنت في الدنيا، وأروع كائن في الوجـود، وإنها مليانة حنيـة ورقة وملائكية، مـن غير حتـى مـا تكلمهـا كلمـة واحـدة.. يبقـى ساعتها فيـه احتمال كبير إن المشاعر دي تكون قديمة ومتخزنة جوالك ناحيـة حـد تاني خالص.. حبيبـة سابقة.. مدرستك زمـان.. صـورة والدتك المثالية في ذهنك.. وهكذا..بلاش كده.. لما رئيسـك أو مديرك في الشغل يعـدي مـن قـدامـك وينسى يقولك صباح الخير.. تقـوم حضرتك تحس بغضب شديد، أو خـوف غير مبرر، وتبـدأ تتعامـل معـاه بشكل مليـان جـفـاء وعنـف، أو رهبـة ورعـب.. يبقـى غالبـا الموقـف ده حـرك فيـك مشـاعر قديمـة ناحيـة حـد تـاني في حياتـك.. مـن أول مدرسـك في ثانـوي.. لغايـة أبـوك..

 لمـا تـروح بيتـك.. وتحصـل بينك وبين مراتك مناقشة عادية جدا لأي سبب تافه.. وتلاقـي منهـا رد فعـل قـوي وعنيف وغير متناسـب مع الموقف أو السبب.. يبقـي هـي غالبـا مـش بتكلمـك إنت.. دي بتكلـم حـد تـاني قديم في شخصك..

 ومـا فيـش أشـهـر مـن المثـل المتكرر كل يوم بين الزوجة وحماتها.. الـلي بتقـوم فيـه الزوجـة عـادة بشكل غير واعـي بـطـرح كل مشاعرها السلبية الكامنة في عقلهـا الباطـن ناحيـة أمهـا (والـلي ممكـن هـي نفسـها مـا تكونش عارفة إنهـا مـوجـودة ولا عـبرت عنها قبل كده) وتعيد توجيهها ناحية حماتها.. في مشهد متكرر بشكل يثير الدهشة في معظم البيوت تقريبا.. مـن غـير مـا حـد يسأل: هو ده أصلـه إيـه؟

 بعـض عمالقة التحليل النفسي بيقولوا إنـه مـا فيـش علاقة تخلـو في مرحلـة مـن مراحلهـا مـن جـزء (طرحـي).. وإن النمـو الصحـي للعلاقات بيخلي الجـزء ده أقـل مـا يكـون.. والجـزء الحقيقـي هـو الأكبر والأغلـب..بالمناسبة.. أكثر وأشهر أنواع العلاقات اللي بتسهل عملية (الطرح) دي هي العلاقات عبر الإنترنت أو التليفـون.. الـلـي مـش بتكـون شايف فيهـا الطرف التاني وإنت بتكلمـه.. وده بيساعد جـذا إنـك ترمـي عليـه مـن جـواك كل اللي متخـزن ومش لاقـي حـد يترمى عليـه. .

 طبعا الموضـوع أعقـد مـن كـده بكتير، لأن كـمـان فيـه مسئولية بتقع على الجانب الآخر في تحريك وتنبيه وساعات إثارة بعـض المشاعر المتخزنة جوانـا وتوجيهها ناحيتـه.. إلى جانب إنه ممكـن حد يتعامـل معـاك بمشاعره ناحية نفسـه هـو شـخصيا أو ناحيـة جـزء بيحبـه أو بيكـره فيهـا..

 إحنا غلابة جدا..

 تصـور إنـك في بعض الأوقـات مـش بتكـون شـايـف الـلي قدامـك

 وإنت بتكلمـه.. وبتكـون في الحقيقـة شـايف جـواك حـد غيره.. وإن ساعات حـد يكون بيتعامل معـاك على إنك شخص تاني إنـت ما تعرفوش أصـلاً..

 وإن علاقاتنا مع بعض مش إحنا بس الشريك الأساسي فيها..طيـب.. أعـرف منين إذا كانت مشاعري وأفكاري وسلوكياتي ناحيـة حد طبيعيـة والــلا (طرحيـة)؟

 طبعا ده سـؤال صعب وإجابته أصعب.. لكن باختصار.. أول مـا تلاقي مشاعرك ناحيـة حـد كتيرة جدا.. وسريعـة جـدا.. ومـا لـهـاش أي مبرر.. اعـرف فـورا إنـك (غالبا) مـش شـايف الحـد ده، ومـش بتتعامل في الحقيقـة معـاه هـو. . إنت بتتعامل مع حد تاني، مـن خلاله.. طبعا فيه حاجات واحتمالات وتفاصيل تانية كتير.. بس مش وقتها..

 فيه دعاء شهير بيقول: (اللهم أرنا الأشياء كما هي)..

 يا رب..

 أرنا الأشياء كما هي..