لا تكن لطيفا اكثر من اللازم

 یو دونت هاف تو بي سو نايس

 اما تقول: «صباح الخير أيها العالم.. أنا إنسان طيب»، ده مش سبب انك تسمح لحد يستغلك أو يؤذيك أو يستبيح حدودك.. ولا معناه إنه مش من حقك تغضب.. وتزعل.. وتبعد أحيانا. السذاجة.. وغير البلاهة.. وغير التهاون في الحقوق.

 أول تدريب في السيكودراما حضرته كان في روما، وكانت المدربة.. طلبت مننا (كنا مجموعة من 30 شخص الريا) إننا نتحرك في المكان بشكل عشوائي، ونمشي نبص في وش بعض، وكل واحد فينا يرسم على وشه تعبيرات تلقائية.. ماكانش فيه ان شروط أو تعليمات بخصوص : تعبير رات الوجه اللي بنعبر عنها.

 المدربة لاحظت إن كل الناس كانت بتضحك في وش بعض، أو على الأقل كنا بنرسـم تعبيرات وجـه (لطيفة).. حـد بيضحك. وهكذا.

السـت طـلبـت مننا طـلـب غريب شوية: قالت لنا مـن فضلكم You don't have to be so nice .. يعني مش لازم تكونوا لطفاء للغاية وطلبت إننا نبدأ نظهر على وشـنـا تعبيرات مختلفة خالص.. مش لازم نضحك.. ممكن نكشر، ممكن ننفخ ونفش.. ممكن نعبر عن زهق... غضب.. عن استياء.. عن اشمئزاز.. عن حزن.. عن ضجر.. وبدأنا فعلا نعمل كده.. اللى قطب حاجبيه.. واللي نفخ خدوده وفشها.. اللى عوج بقه.. واللى طلع لسانه... . واللى عمل أي حاجة.. أي حاجة.

 وصلتنى من التمرين ده رسالة مهمة جدا.. رغم إنها بديهية جدا الرسالة دي فكرتنى بحاجة درستها في التحليل النفسي قبلها بشوية وهي إن فيه نوع من الناس بيتصرف مع اللي حواليه طول الوقت على إه شخص لطيف جدا.. بيرضي كل الناس، مش عاوز يزعل حد، ممكن يتكسـف إنه يقول (لأ).. أو يخاف إنه يعترض أو يغضب أو يزهق وإن ده يبـان عـلـيـه.. دايما بيحاول يتجنب المشكلات، ويرضي جمبه الأطراف.. وساعات كتير بيقدم احتياجات الآخرين على احتياجات هو شخصيا.. مهما كان جواه من مشاعر إنسانية عادية، واحتياجات بشرية لا جدال فيها.. بيسموه People-Pleaser (مرضي الناس).

 الشخص ده اتعود من صغره إنه يفضل دايها الطفل اللطيف الظريف الهادي المسالم، الضاحك المبتسم، اللي مش بيشتكي، ولا بيهش و بينش.. ورغم إن دي حاجة شكلها جميل وشيك وحلو من برا لكن الطفل ده بيعمل كده علي حساب نفسه، وبيكتم جواه لسنوات طويلة مشاعر إنسانية كتير جدا، وصل له إنه مش مسموح ليه يعبر عنها، مشاعر زي الكره والغضب والملل والاشمئز والرفض.. الطفل ده اتعلم انه مايعبرش عن مشاعره الحقيقية علشان يتجنب المشكلات اللي ممكن تحصل ليه أو تحصل بسببه (كما صور له من حوله).. الطفل ده أهله حملوه مسؤولية هو أصلاً مالهوش علاقة بيها هي حقه،

اللي حواليه (ابتداء بيهم طبعا) يبقوا راضيين ومبسوطين.. وإن الطفل ده.. يتحمل هو المسئولية، والعقاب طبعا.

 صديقي العزيز.. صديقتي الغالية..

 من حقك تعبر عن اللي جواك كما هو.. من حقك تظهري ما بداخلك كما هو .. من حقك تحب أو تكره، من حقك تفرحي أو تحزني، من حقك تزهق و تمل، من حقك توافقي أو ترفضي.. من حقكم ترسموا على صفحات وشك نفس اللي محفور جواك.

 من حقك (بكل بساطة وبديهية) إنك تكون حقيقي..

 من حقك (بكل بساطة وبديهية) إنك تكوني حقيقية..

من كتاب "لأ بطعم الفلامنكو"                                                                                                                                                                                                                                                                                                       دمتم طيبين والسلام.