الكومفورت زون
بيقول لك يا سيدي إن (الكومفورت زون) هي المساحة النفسية، السل بيكون فيها الواحد مرتاح ومتطمن وحاسس بالأمان، بعيدا عن أي فلق وتوتر.
لكني شـايف إن حكايـة (الكومفورت زون) دي، هي من كبرى المدع النفسية التي عرفها التاريخ.
ليه؟
لأنها مش أكتر من قوقعة نفسية، مابتعملش أي حاجة غير إنها تقفل عليك.. وتحرمك من التجربة.. وتبعدك عن الناس.. ويبقى ده اسمه ( باحمي نفسي).. و(باخد بالي منها).
الفكرة الأساسية في (الكومفورت زون) هي (وهم السيطرة).. بمعنى إنك ماتعملش غير اللي تعرفه.. وماتعرفش غير اللي تألفه.. وماتحسش غير اللي انت متعود عليه.
الفكرة إنك تقلل كل الاحتمالات إلى أدناها.. وتحسب حسابات قاصرة للغاية.. وتكون متصور إن دي الراحة.
قال يعني إنت كده متحكم في نفسـك، ومخارجهـا ومداخلها.. ومسيطر على حياتك، بأبعادها وتفاصيلها.
وفي الحقيقة، إنـت بتحاول بكل طريقة إنك تتجنب المخاطرة.. وتتجنب الفقد.. وتتجنب الخسارة.. لكن اللي بتكون مش واخد بالـك منه.. هو إنك بكده برضه، بتتجنب الحياة.. وتتجنب القرب.. وتتجنب المكسب.
في رأيي إن (الكومفورت زون) ما هي إلا سجن صغير.. به مكيف للهواء.
طبعا مقدر جـدا اختيار بعض الناس إنهم يعيشوا في هذه الفقاعة الهشـة.. علشان اللي شافوه قبل كده كان ألم شديد.. أو جرح عميق.. أو أذى بشـع.. لكن كل ده مش معناه أبدا إني أعيش في سجن.. معلق عليه لافتة (منطقة الراحة).
الوني هو الامش، يعنـي هـو أنا مش من حقي إني أحمي نفسي مـن حد، أو من حاجة بتؤذيني؟
لا طبعا.. من حقك تحمي نفسك جدا.. بس مش تحمي نفسـك للحد ده، ومن اللي جنبه، واللي حواليـه، واللي معديين بالصدفة في الطريق. منعلاء التحليل التفاعلاتي Transactional Analysis، بيقسموا مواقف الناس في الحياة لأربع مواقف:
-I'm Not OK, You are OK:
يعني أنا إنسـان سـيئ، وانت زي الفل.. وده عنـد كثير من الناس المكتئبين أو اللي حاسين بالدونية.
- I'm Not OK, You are Not OK:
يعني إحنا الاتنين سيئين.. والدنيا كلها سـودا.. ومافيش أمل.. ودي الناس المتشائمة واليائسة.
- I'm OK, You are Not OK:
بعني إنت وحش وأقل مني.. وأنا حلو وتمام وأحسن منك (كتير من النرجسيين والمتعالين).
- I'm OK, You are OK:
يعني أنا شايف نفسي وحاببها وقابلها.. وشايفك برضه وقابلك، ومعنديش مشكلة معاك، حتى لو كنت مختلف عني.
بيتقال إن الموقف الأخير هو أكتر موقف صحي فيهم.. علشان بيعني الك مبسوط وان غيرك برضه مبسوه وط، وماحدش فيكم عنده مشكلة ل ده.
لكن فيه طريقة تانية بيتشاف بيها الموقف ده.. وهي إنكم باينين من بره مبسوطين، علشان كل واحد فيكم في حاله.. كل واحد في جزيرة منعزلة عن الآخر.. كل واحد في فقاعة نفسية منفصلة.. وأنا تمام OK، وانـت تمـام OK.. وماحدش فينا ليه دعـوة بالتاني.. ويكون الظاهر سعادة وسلامة نفسية.. والباطن عزلة.. وتقوقع.. وكومفورت زون.
خدعة بالمعنى الحرفي يعني.
وكأن الكومفرت زون دي زي (الرحم).. اللي الطفل عاوز يفضل فيه للأبد، من غير ما يتولد.. لأنه لو اتولد.. وخرج.. هيصرخ.. ويعيط .. ويتألم.. ويخاطر.. ويجرب.. ويقرب.. وينجح.. ويفشل.. ويحيا.. ويموت.
بس وبكل أسف مش هينفع نعيش في الرحم طول العمر..
مضطرين نتولد..
محتاجين نجرب..
محتاجين نقرب.
محتاجين ننزل على الأرض.. ونخطو خطواتنا الأولى.. خارج (الكومفورت زون).
اخرج بقي برجلك اليمين.. أو خليك جوه لوحدك.
من كتاب "لأ بطعم الفلامنكو"
للدكتور محمد طه
دمتم طيبين والسلام.
0 التعليقات:
إرسال تعليق