بتحب جسمك؟
سؤال غريب.. مش كده؟
غالبًا أول مرة حد يسألهولك..
بالرغـم مـن إنـه رفيـق عـمـرك وصاحبـك مـن يـوم مـا اتولدت.. وبالرغـم مـن إنـك سـاكن فيـه حتـى مـن قبـل مـا تتولد.. وبالرغـم من إنـه يـامـا شـاف واستحمل معاك!
بتحبه؟
طيب بتكرهه؟
قابله؟
مش قابله؟
بتحترمه؟
بتحتقره؟
بتهتم بيه؟
بتهمله؟
واللا أقولك.. بلاش إنت.. خلينا فيكي إنتي..
حاسة بجسمك؟
حاسة بوجوده؟
حاسة إنه جزء منك وإنك جزء منه؟حاسة إنه بينتمي ليكي وإنك بتنتمي ليـه؟ والـلا بتتعاملي معاه على إنه حاجـة طالعالـك كده ومضطـرة تتعايشي معاهـا؟
حاسة إنه فخر ونعمة وجمال واللا بلاء ونقمة وعار؟
إمتى آخر مرة سمعتيه؟
أو إمتى آخر مرة حاورتيه وأخدتي وإديتي معاه؟
نجيب من الآخر؟ طيب..
هو فيه علاقة بينك وبين جسمك من أصله؟
خلاص..
(A)
جسمك أصدق منك..
آه.. يعنـي ممكـن بكل بساطة تقـول بالكلام إنـك مطمـن بـس رجلـك الـلي بتتهـز عـمـال عـلى بطـال تقـول في نفس الوقـت إنـك مليـان خـوف.. ممكـن لسانك يقـول (صباح الخير) بس وشـك المكشر بيقـول (صبـاح الـشـر).. ممكـن تـدعـي إنـك واثـق جـدا مـن نفسـك.. لكـن هـزة صوتك ورعشـة إيـدك تفضحـك.. علشـان أي تواصـل بينك وبين حـد، الكلام مش بيوصـل فيـه أكـثر مـن 7 في الميـة بـس مـن الرسالة.. وكل الباقي بيوصـل بالطريقـة الـلي اتكلمت بيهـا، ووضع وحركة وتعبيرات جسمك وإنت بتتكلـم.. تصـور!سيجموند فروید قعـد أكـثر مـن 30 سنة يحلل في النـاس عـن طريق الكلام اللي بيقولوه وهـما ممددين قدامه على الشيزلونج.. واكتشـف في آخـر حياتـه إن بعـض الـلي كان بيحكهولـه مـرضـاه ومريضاتـه عـن صدماتهم الجنسية في طفولتهـم كان محض خيال.. وبعدهـا بـدأ الألماني (فريتـز بيرلـز يـدور عـلى مـصـدر أصـدق مـن الكلام لمعرفة تركيبـة النفس البشرية ومحتوياتهـا وأمراضها وعلاجهـا.. لغايـة مـا لـقـى ضالته في (الجسد).. ولغتـه.. ومعناهـا.. وعمـل مدرسـة كاملة في العلاج النفسي اسمها (الجيشتالت).
واكتشـف (بيرلـز) إن كتير مننا، كلامهـم منفصـل عـن جسمهم، منفصـل عـن مشاعرهم، منفصـل عـن أفكارهـم.. يعني كلامك في حتة، وجسمك في حتة تانية، ومشاعرك في حتة تالتة، وأفكارك في حتـة رابعة.. وكل حاجـة منهـم بتقول معنـى غير التاني ، وماشية في اتجاه غير الثاني، وغالبـا مـش بيتقابلوا.. وإننـا لـو عاوزيـن نـكـون أصحـاء نفسيا.. يبقـى مـهـم إن الـلي أفكـر فيه، يمشي مـع الـلي حاسـه، وإن الـلي بقولـه بلساني يكـون هـو الـلي بقولـه بجسمي.. يعني أكون كل واحـد صحيح.. مـش أجـزاء متفرقة.. كل جزء فيهم شغال لوحـده.. وعايش مع نفسه.. ومـا لهـوش دعوة بغيره..
(بيرلز) كان بيعالج مرضـاه بإنـه يعرفهـم عـلى جسمهم مـن أول وجديد.. ويصالحهـم عليـه.. ويرجعلهـم الـلي فقـدوه منـه ومـن نفسهم خلاله (وطلـع بعدهـا العـلاج بالحركـة والعـلاج بالرقص والعـلاج بالفنـون التعبيرية)..
كان بيسألهم ويخليهم يسألوا نفسهم:جسمك بيقول إيه؟
جسمك عاوز يعمل إيه؟
جسمك ملك مين؟
جسمك ملك مين؟
جسمك ملك مييييييين؟
تيجي تسأل نفسك السؤال ده.. اسأل كده: جسمي ملك مين؟
احتمال تكتشف إنـك عشـت طـول عـمـرك مسـلم عـقـد ملكيـة جسمك لحـد تـاني.. أبـوك.. أمـك.. المجتمع.. جـوزك.. النـاس الـلي
ماشية في الشارع!!
ما تستغربش لما أقولك إن جسمك ده فيه متحف حفريات؟ آه.. جسمك فيـه متحف حفريات.. مليان تحـف غاليـة وتماثيل قديمة
ولوحـات مـن عصـور سـابقة..
إزاي؟
كل مرة كنت راجـع مـن اللعب في الشارع ورجلـك مـش نضيفه ومامتـك وقفتـك عـلى البـاب وقالتلـك: "إوعـى تدوس على السجادة".. رجلك خزنت الطاقة اللي كانت فيها واحتفظت بيها لغاية النهاردة..كل مرة كنـت هاتمـد فيهـا إيـدك عـلى الأكل وإنت في زيارة مع عيلتك لحـد، وأبـوك بصلـك البصـة الـلي نشـفـت إيدك مكانهـا.. عضلات إيدك قررت تفضـل فاكرة الذكرى دي لغايـة دلوقت..
كل مرة جيتـي تلبسي الفستان وتوريـه لمامتـك (وإنتـي عنـدك خمس سنين) وقالتلـك عيـب يـا بنـت ده ضهره عريان.. ضهرك لسه فاكرهـا..
كل مرة حبيتي تكتشفي أي حتة في جسمك (وإنتـي عنـدك تـلات سـنين)، وأخـدتي قلـم مـحـترم عـلى وشـك.. عضـلات وشـك مـش ناسـياها..
كل مـرة حـد حـاول يقـرب مـن جسمك بشكل غريب وغير مريح.. جسمك حافظهـا بكل تفاصيلها..
وتمر الأيـام.. وتعـدي السنين.. ونكبر.. وكل حتة في جسمنا فيهـا ذكـرى.. وكل خلية فيهـا حكايـة.. وكل منطقـة ليهـا تـاريـخ.. وكل واحـد وحظـه.. وكل واحد وطريقـة تعبير جسـمـه عـن ذكرياتـه وآلامـه القديمـة..
اللي يجيلـه قولـون عصبـي.. واللي يحصلـه صـداع مزمـن.. والـلي طريقة مشيته كأنه متخشب.. والـلي إيده تترعـش قـدام النـاس..
اللي تكره جسمها فتهينه وتبهدله وتعرضه للبيع.. والـلي ترفضـه فتسيبه يزيد ويتنفـخ.. اللي تحتقره فتبطـل تـاكل أو تتقيأ الأكل اللي بتاكلـه.. والـلي مـش طايقـاه ومش طايقـة فـيـه نفسـها فتقطعـه بالمشرط أو تخربشـه بضوافرها لغايـة مـا يسيل دم..والـلـي تقـرر تنتقـم مـن كل اللي أذوهـا طـول حياتها، بأنها تنتقـم منهم في جسمها، وتنقل معركتهـا معاهـم لأرضـه..
الـلي مـش شايفة جمالها، والـلي مـش مصدقاه، واللي مستكتراه على نفسها.. اللي بتتكسف من جسمها، والـلي مـش حاسة بيـه، والـلي بتستغربه..
الـلـي شـعرها يسـقط بـدون أي سبب طبـي واضـح.. أو بشرتهـا تقـوم بثورة عليهـا.. أو تتجنـن لـو وزنهـا زاد کام جـرام..
الـلي يجيلـه حساسية جلديـة مـن غـير تفسير.. والـلي يحصلـه آلام مزمنة في كل حتة في جسمه رغم كل الفحوصات والتحاليـل السليمة.. والـلـي وشـه يتمـلى تجاعيـد قبل الأوان.. وفي الآخـر.. الـلي جسمه يقرر يخونـه ويقع ويهدم نفسه بنفسه بجلطة في المخ أو بمـرض مـن أمـراض (المناعة الذاتية)..
جسمك مش بينسى..
جسمك بيفتكر كل حاجة..
جسمك له كيان.. وله وجود.. وله ذاكرة..
جسمك له هيبة لازم تحترمه وتقدرة . "علاقات خطرة"
دمتم طيبين والسلام.
0 التعليقات:
إرسال تعليق