الرجوع النفسي لمرحلة الامان

 تفتكـر إيـه أصعـب حاجة ممكـن الواحـد يعملهـا لمـا يتعـرض لحـدث نفسي هائل يفوق قدراته النفسية على التحمل: حـادث مفاجئ.. خـبـر وحـش.. ظروف صعبة.. أذى بـدني أو معنـوي شديد.. تربيـة قاسية.. فقد شيء أو شخص غالي أو عزيز (مـع وجود بعض العوامل الجينية، وبعض الاضطراب الكيميائي بالمخ، وبعـض الظروف الاجتماعيـة أو البيئية طبعا)؟

 في الحقيقـة هـو ممكـن يعمـل (أو تحصـل لـه) حاجات كتير، منها إنه يصاب بمرض أو عرض نفسي.. اكتتاب... توتر... اضطراب ما بعد الصدمة.. أو درجات مختلفـة مـن غياب الوعي.. وساعات اضطراب في الشخصية، وممكن جنون.. وغيرهم...

 الأمراض النفسية ليهـا أشكال وأنـواع كثير جدا.. الدرجـة إن أساميها بتتغير كل شوية مع الاكتشافات الجديدة في عالم الطب النفسي.. لكن من وجهة نظر تحليلية معينة، بعـض الأمراض النفسية هي في الحقيقة رجوع للخلف (نكوص Regression)..

 بمعنـى.. إنـه أمـام الصدمة النفسية الشديدة اللي ممكـن حـد يقابلها أو يمر بيها، بيقرر عقـلـه - في بعض الأوقات. إنه يرجع لآخر مرحلة عمرية كان حاسس فيها بالأمان والاتزان النفسي.. عـادة بتكـون المرحلـة دي أثنـاء الطفولـة.. يرجـع سـنة، اتنين، ثلاثة عشرة، عشرين.. هـو ونصيبـه.. وبتظهر عليـه وهـو كبير كل المواصفات والخـواص النفسية اللي كانت موجودة عنده في المرحلة العمرية الصغيرة دي (بس وقتها كانت موجودة بشكل طبيعـي كـجـزء مـن نموه)..تصـور بـقـى لـو المريض كل ما يرجع بعقله كام سنة لـورا، يلاقي المرحلـة الـلي رجعلهـا مرتبطـة كـمان بصدمة نفسية تانية، وتالتة، وهكذا..

 ساعتها هايضـطـر يعمـل حـاجـة صعبـة جـدا.. وهـي إنـه هايفضـل يرجـع لغايـة مـا يوصـل للمرحلـة النفسية اللي كان فيهـا وهـو عنـده کام شهر، لما كان بيتخيل/ يهلـوس حـاجـات مـش موجـودة يسـلي بيهـا نفسـه في غياب أمـه (وإحنـا نقـول عليـه ده بيحـرك عينيـه علشـان بيشـوف الملايكـة) .. ونسـمي ده في علـم المـرض النفسي رجوع/ نكوص غـائي متقدم Progressive Teleological Regression يؤدي إلى (الفصام).. الجنـون يعنـي.. وهـو مـن أعتـى الأمـراض النفسية.. لكنـه مـش أعتاهـا ولا أصعبهـا عـلى الإطلاق..

 الأعتى والأصعـب فـعـلا مـن الجنـون ومـن الاكتئاب ومـن اضطراب الشخصية هو إن المريض يرجـع لـورا شـوية أكتر.. آه.. يرجـع كـمان قبـل الـكام شهر الأولانيين في عمـره، علشان حتى دول مـا كـانـش حاسس فيهم بالأمان (إهمال شـديـد مـن الأم، قسوة شديدة مـن الأب أو الأم، صدمة نفسية شديدة جدا).. ساعتها هايقـرر (بشكل غير واعـي) إنه يرجع للرحم.. لحياة ووضع وسلوك الجنين..

 فاكريـن مسلسل (سـارة).. أهـو هـو ده اللي كان حاصـل ليهـا.. سارة كانت عايشة حياة الجنين علشـان دي كانـت آخـر مـرحلـة هـي حسـت فيهـا بالأمان في حياتها.. ولما اطمنت للعالم وللناس عن طريق الدكتـور الـلي كان بيعالجهـا (د. حسـن)، كـبـرت شـوية وبقت تتكلـم وتتصرف زي الأطفال الصغيرين.. وتوالـت أحـداث المسلسل..كل ده أنا كاتبه في الحقيقة علشان أمهد وأقدم للكلام الجاي..

 إنـت عـارف إن الجنين في رحـم أمـه بيحـس وبيستقبل رسايل كتير مـن العـالم الخارجي؟ بيوصلـه حنـان أمـه ومشاعرها.. بيحـس هـي مضايقـة واللافرحانة، بيعـرف هـي مطمنـة والـلا قلقانة، بيوصلـه هـي بتحبـه والـلا لأ، قابلـة وجـوده واللارافضـاه، عاوزاه واللاجـه غلطـة.. هـو بيحس ويستقبل كل ده بطـرق كتير جـذا أبسطها الهرمونات الـلي بيفرزهـا جسـم الأم في حالاتها النفسية المختلفة وبتوصـل للجنين مـن خـلال المشيمة.. يعنـي حـتـى جـوه الـرحـم.. ممكـن الجنين يحس بالحب والعطف والقبول والأمان.. أو يحـس بالكـره والجفـاء والرفـض والتهديـد.. ده مـش كلام فلسـفي ولا أسطوري.. ده كلام علمـي عليـه آلاف الأبحاث والدلائل الحديثة..

 المهـم.. تصـور بـقـى لو حد حصلـه صدمة نفسية بأي شكل مـن اللي وصفناهـم، وكل مـا عـقـلـه يحاول يرجع لآخر مرحلة عمرية حس فيها بأمـان مـا يلاقيش، ولا حتى في الرحم وهو جنين.. عارف هايعمل إيه ؟ عارف إيـه القـرار الـلي عقله هاياخـده (بشكل غير واعـي طبعا) وينفذه ؟ قرار في منتهى الصعوبة والقسوة.. قـرار إنه ينفصـل عـن العـالم.. يخاصم الحياة.. يقفـل عـلى نفسـه أبـواب نفسه.. هـو مـش هاينتحر أو يمـوت نفسه.. لا.. هـو هايعمل حاجة أصعب.. هـو هايعيـش میت.. هايبقى زيه زي أي نبات أو جماد.. لا ياكل، ولا يشرب، ولا يتكلـم.. تشيله مـن هنـا وتحطـه هـنـا.. ما يتحكمـش في أعصاب وعضلات جسمه ولا حتى في دخوله الحمام.. لوسيبته واقف هايفضـل واقـف.. لو خليتـه قاعـد هـايفـضـل قاعـد.. إنـت قـدام شخص قـرر يفارق الحيـاة وهـو عايـش..بيسموا ده في الطب النفسي كتاتونيا Catatonia، وهي كلمـة مـن أصـل لاتيني معناهـا جـثـة.. بني آدم قـرر يتحول لجثة.. علشان ده الوضع الوحيد اللي بيحـس فيـه بالأمـان.. وضع الخـروج مـن الحياة بكل سخافتها وضراوتهـا ومخاوفهـا.. هو مش بس بيغيب بوعيه زي حالات الهيستيريا والانشقاق.. لا.. ده كمان بيغيـب عـن العالم بجسمه.. وبمشاعره .. وبأحاسيسه...

 الكتاتونيـا هـي أصعب مرحلـة مـن المراحل اللي ممكن يوصـل ليها أي مريض نفسي، وعلاجها أصعب منها، وفهمها والوصـول لمعانيها المختلفة من مريض لمريض أصعب وأصعب..

 في جلسـة مـع إحـدى مريضات الكتاتونيـا بعـد علاجهـا.. قالـت المريضة للمعالج بتاعها (الإيطالي سيلفانو آريتي) إنـه مـن ضـمـن أسباب مرضها بعدم الحركة والانفصال عـن العـالم هو شعورها بالذنب، لأنها كانت منصورة إن أي حركة هاتعملها ولو بسيطة هاتلخبط موازيـن الكـون كلـه.. كلام شكله غريب.. لكـن في الحقيقة، المريضة دي وصلها طول عمرها إن كل أفعالهـا غلـط... وكل كلامها بيعمـل مشـاكل.. وكل تصرفاتها بتلخبط الدنيا.. الـلي حواليهـا وصلولهـا شعور عميق وساحق بالذنب على كل حاجـة.. لدرجـة إنهـا حسـت إن وجودهـا نفسـه يدعو للشعور بالذنب.. فقـرر عقلهـا الباطـن إنـه يشـل هـذا الوجـود ويوقف نشاطه ويمنعـه مـن عمـل كل شيء وأي شيء.. علشـان مـا تغلطـش ومـا تتعرضـش للعقاب.. ومـا تحسـش بالذنب..الكتاتونيـا هـي العـدام الحيـاة النفسية بحثـا عـن لحظـة أمـان واحـدة فيهـا..

 الكتاتونيا هي قرار بوقف الوجود.. من شدة الألم والخوف.. الكتاتونيا هي أعمق درجة من درجات الموت النفسي..

 لو ليكـم أصحـاب.. قربـوا منهـم وحبوهـم واسـتقبلوا حبهـم.. احفـروا ذكرياتكـم الحلـوة معاهـم في كل خليـة فيكـم..

 لو ليكـم أهـل.. اقعدوا معاهـم واسمعوهم وكلموهـم.. سامحوهم واعذروهـم.. احضنوهـم وحسوا بحضنهم..

 وانتـو بتربـوا أولادكـم.. خـلـوا فـيـه بينكم وبينهـم لحظـات حـلـوة

 كتير.. مواقف طيبـة فيهـا قـبـول وفرحـة ورحمـة..

 علشان في وقت من الأوقات..

 لحظـة أمـان واحـدة.. ممكـن تكـون هـي حائط الصـد ضـد صدمة

 نفسية مفاجئة..

 موقـف طيـب بسيط.. ممكـن يـكـون هـو درع الحمايـة قصـاد هجـوم المـرض النفسي وشراسـته..

 حضن دافي صغير .. ممكـن يـكـون هـو مكانك الأخير عنـد اختفاء كل الأماكن..

 كلمـة حلـوة.. نظـرة قـرب.. ابتسامة رضا.. ممكـن تكـون هـي الملجأ والملاذ والمنقذ.. وقـت طوفان النفس العنيف..غمض عينـك.. حسـهم.. افتكرهـم.. استرجعهم.. وامسكهم بذاكرتـك.. ومـا تفـرطـش فيهـم أبـدا..

 ولو قليلين أو مـش موجودين.. الحـق اعملهم وعيشهم واستمتع بيهم واحتفظ بيهـم جـواك.. يمكـن يكونـوا هـما الفرصـة الأخيرة..

 قبل الرجوع النفسي للخلف..                                                                                                                                                                                                                                                                                                       "علاقات خطرة"                                                                                                                                                                                                                                                                                                                   دمتم طيبين والسلام