انت تكرهني!

 تصـور لمـا يكـون مـصـدر إحساسـك بنفسك في الدنيـا هـو إن حـد بيكرهـك..

تصـور لمـا يكـون شعورك بوجودك مرهـون بوجود ناس بتحسـدك وبتراقبـك وبتتآمر عليـك..

تصـور إنـك مـا تحسـش بقيمتـك وبأهميتـك إلا مـن خـلال ناس عاوزة تسمك وتموتـك وتخلـص منـك..

زي ما قولنا.. مـن أصعب الأمراض النفسية على الإطلاق مـرض (الفصـام)، وهـو واحـد مـن فصيلـة أكبر مـن الأمـراض اسـمها الأمراض الذهانية.. أول وأهـم عرضين في الفصـام (الجنـون) هـما الضلالات والهلاوس (فيـه طبعـا أعـراض أخـرى كتير).. ضـلالات يعنـي أفكار خاطئة وصاحبهـا مصدقهـا لدرجـة لا تقبـل الشـك، وهـلاوس يعنـي المريض يستقبل حاجـات مـش موجـودة في الحقيقـة.. يسمع أصـوات غريبـة، يشـوف صـور ومشـاهـد مـش حقيقيـة، يحس بحاجـات محدش غيره يحس بيهـا وهكـذا..

المهـم.. كل دي أعراض مرضيـة، معروفـة ومكتوبة بشكل أدق وأفضـل في كتب الطب النفسي وعلم النفس.. لكـن.. دي مش كل الحكايـة.. ومـش غاية المقصـد..

الحكايـة - مـن وجهـة نظـري- هي إيـه الـلي ورا الأعراض الغريبة دي، إيه معناهـا وإيـه سببها؟ جايـة منين ورايحة فين؟ المريض عاوز يقـول إيـه مـن خلالها؟يعني إيه حد يبقى متأكد إن الناس بتكرهه وعاوزة تموته؟ ليه حد يتصور إن فيه كاميرات بتراقبه أو فيه سم في الأكل؟ إزاي حـد يشـوف حاجـات مـش موجـودة، أو يسمع أصـوات مـش حقيقيـة؟

 طبعـا فيـه تفسيرات كتير، وإجابات أكثر.. منهـا الوراثي والجينـي والبيولوجي والكيميائي.. وكلها قائمـة عـلى نظريات علمية غاية في الدقة، لكن الأهـم والأدق منها جميعـا هـو التفسير النفسي.. الـلي ليـه علـم قائم بذاته.. اسمه علـم السيكوباثولجي..

 تصـور حـد وصلتـه رسـائل نفسية في طفولتـه وأثنـاء تربيتـه - وساعات في معظم فترات حياته- إنـه مـش مـهـم.. وإنـه مـا لهوش قيمـة.. رسـائل مـن نـوعيـة (إنـت مـا لكـش لازمة).. (يا ريتنـا مـا خلفنـاك).. (كان غيرك أشطر ).. (إنـت زي قلتـك)..

 تصـور حـد كـل الـلـي شـافـه مـن الـلي حواليـه حـب بـشروط، وقبـول بشروط، واهتمام بشروط..

 تصـور حـد كان مضطر طول الوقت إنه ما يبقاش نفسه، ويدفنها، ويدفـن معاهـا حقيقته وتلقائيتـه وإبداعـه.. علشان خاطـر الـلي حواليـه يرضـوا ويقولوله برافو..

 الشخص ده نفسيته هاتبقى عاملة إزاي؟وهنا لينا وقفة.. عند جملة (يخلق الواقع بتاعه هو)..

 اللي شافه مريض الفصـام مـن واقعـه وحياتـه والناس اللي حواليـه أصعب بكثير من تحمل قدراته النفسية والعقلية.. علشان كده هو بيقرر إنه يسيب العالم ده كله على بعضه، ويعيش في عالم خـاص بيـه هـو لـوحـده.. فيـه نـاس هـو الـلي يصنعهم، وأحـداث هـو الـلي يصيغهـا ، وتفاصيـل هـو وحـده الـلي يتحكـم فيهـا.. فيبدأ يخلـق أشكال وألـوان وبني آدمين.. ليهـم صـوت وصـورة وحياة.. وينسج حكايات وروايات وسيناريوهات.. ويصدق أفكار ومعتقدات وشكوك..

 طيب.. المنطقـي إنـه طالمـا الـلـي شـافه قبل كده في حياتـه حـاجـات وحشـة، وخبرات مؤلمة.. يبقى يخلـق شـخصيات جميلة وطيبة، وأحـداث هادية ولطيفة وخفيفة.. في الحقيقة ده ساعات بيحصل، بـس مـش دايما.. اللي بيحصـل أكتر هـو العكس.. ورغـم إن ده غريب.. لكنه مثير للشفقة لأقصى درجـة..

 ليه؟

 أقولك ليه..

 مريض الفصام وصلتـه رسـالة في مرحلة ما في حياتـه أنـه مرفوض.. إن وجـوده مـش مرغوب فيـه.. إن كيانـه مالـهـوش أي قيمـة ولا لازمة ولا أهمية حتى لأقرب الناس ليـه.. يبقى في الحقيقـة هـو مـن جـواه بيتمنى أي شكل من أشكال الوجـود، وأي درجـة مـن درجـات القيمـة والأهمية.. وهنـا الغـلـب والوجع الحقيقي..بلاش کده..

 حـد بيتقالـه بالكلام اختار مستقبلك واعمـل الـلـي إنـت عـاوزه.. ويتقالـه بالتصرفات إوعـى تـكـون غير المشروع الـلـي أنـا عـاوزه..

 أو واحـدة يتقالهـا بالكلام إنتـي حـرة ومعززة ومكرمة.. ويتقالهـا بالتصرفات إنتـي عـار ووجـودك جريمة وذنب..

 كل دول هايكونوا عاملين إزاي من جوه؟ إحساسهم بنفسهم هايكون إيه؟ علاقاتهم بنفسهم وبالعالم هاتاخد أي شكل؟

 بدون الدخول في تفاصيل مؤلمة.. دول هـم المـادة الخام والتربة الخصبة للمرض النفسي.. كل واحـد منهـم هـو عبارة عـن مـشروع مريض نفسي من الدرجة الأولى.. قنبلة موقوتة مستنية لحظـة الانفجار.. في وجـود بعض العوامل الجينية والبيولوجيـة طبعا..

 الأمـراض النفسية باختصـار شـديـد جـدا هـي إمـا جنـون، أو دفاعـات ضـد الجنـون (عـلى رأي د. يحيى الرخـاوي).. يعنـي الـلي هايقـدر منهم يستحمل واقعـه المؤلم، ويحتفظ ببعض مـن عقله في مواجهـة تربيته وظروفه وجيناته، هايصاب بأمـراض زي الاكتئاب والقلق والجسدنة واضطرابات الشخصية. . أمـا الـلي مـش هايقـدر يستحمل الواقع والظروف والضغوط والصدمات النفسية الـلي شافها طول عمره، فـده الـلي هايقـرر بشكل واعـي أو غير واعـي إنه ينفصـل (ينفصـم) عـن الواقع ده تماما، ويخلـق الواقع بتاعـه هـو.. (علشان كده سموه فصام)..مريض الفصام بيتمنـي مـن جـواه إنـه يـحـس بـوجـوده.. حتى لو معنی ده إن فيـه حـد بيكرهـه.. حتـى لـو مـن خـلال حـد هـو بيخلقـه ويتصـور إنـه هايحطلـه السـم في الأكل.. هـو يعنـي كان عرف يعنـي إيـه حـب مـن أصـلـه؟ هـو لـقـى حـب وقال لأ؟ . العـالم الداخـلي بتاعـه فيـه غـيـر كـده؟ ده يا دوب بيدور على أي حسد.. إن شالله حد يكرهـه ويتآمر عليـه ويبقى عاوز يمـوتـه.. مـا هو معنى كده إنـه موجـود.. وإنـه مهـم.. وإنـه ليـه قيمة.. وقيمـة كبيرة كمان.. ده بعـض المرضى مـن غلبهـم بيتصوروا إنهـم أنبيـاء أو (المهدي المنتظـر مـن كـثر احتياجهم الشديد للاهتمام والشعور بالقيمـة والأهميـة.. لا حول ولا قوة إلا باللـه..

 تصـور شـدة وعمـق الاحتيـاج الـلي يخـلـي حـد يخلـق أصـوات مخيفة، وأشكال ناس مرعبة، ويصـدق إنهـم بيراقبوه، وبيكرهوه، وعاوزين يخلصـوا مـنـه، علشان ده يحسسه بوجـوده وبقيمته.. تصـور ضعـف وغلـب حـد بيشـك إن أي اتنين بيكلموا بعـض يبقى بيتكلموا عليـه لأنـه هـايمـوت ويحس إنـه مهـم عنـد أي لو هايتكلـم عليـه.. مريـض الفصام بيصرخ مـن خـلال أعراضـه ويقـول: أنـاااا . حد، حتى موجوووووووودد..

 وطبعا المصدر الأساسي والرئيسي لكل الهلاوس اللي بيخلقها وكل الضلالات اللي بينسجها هـو العـالم الداخـلي بتاعـه، الـلي مليـان كائنات مخيفـة وأشكال مرعبة وأصـوات صارخة اتكونـت جـواه مـن خـلال كل اللي وصلـه عـن نفسـه وعـن الآخريـن طـول حياته.

 ولـو مـا نفـعـش كل ده.. يرجـع في عمـره العقـلي شـوية، ويهلـوس بالميـة والبحـر والغـرق.. الـلي بيفكروه بالسـائل الـلي كان بيعـوم فيه في المكان الوحيـد الـلـي حـس فيـه بالأمـان.. رحـم أمـه..ولو ده كـمـان مـا نفـعـش.. ينفصـل تمـامـا عـن الحيـاة.. ويجيلـه کتاتونيـا (تخشـب) تخليه زي أي نبـات أو جـماد.. لا ياكل ولا

 يشرب ولا يتحـرك..

 طبعا ده تفسير مبسط جدا ولا يمكن تعميمه.. فيـه تفسيرات كتير.. وأعراض أكثر..

 مريض القصام مصاب في أعمق أعماق نفسه..

 مصاب في وجوده ومعناه وقيمته وأهميته.. مصاب بشعوره الشديد بالرفض اللي وصله بشكل قاسي ومتابع..

 ازاي ما يتجننش يعني؟

 نرجـع هـنـا تـاني بقـى.. عنـدك وعنـدي.. وعنـد أصحابنـا وحبايبنا

 وأولادنا وقرايبنـا.. ونقـول ونعيـد كـمان..

 الدفـاع القـوي الناجـع ضـد كل الأمراض النفسية- مهـمـا تطـور العلـم وزادت الأبحاث، هـو وجـود إنسـان (ولـو واحـد) قابلـك ومهتـم بيـك وبيحبـك حـب حقيقي غير مشروط..

 خط الرجعة الأخير ضد الاكتئاب والقلق واضطرابات الشخصية، في وجود كل أنواع الأدوية والعقاقير، هو علاقة إنسانية يوصلك فيهـا إنـك مـن حقـك تكون نفسك.. من غير ما تدفع أي تمـن..حائط الصـد الصلب ضـد الذهـان والفصام والجنـون، بالرغـم مـن نجـاح بعض الطرق الأخـرى، هـو إنك تصـدق إنك تستاهل تعيش، وتستاهل تفرح، وتستاهل تتحـب.. وإن ده حقك..

 تستاهل تعيش..

 وتستاهل تفرح..

 وتستاهل تتحب..

 وده حقك..

 جرب تقول كده:

 أنا أستاهل أعيش..

 وأستاهل أفرح..

 وأستاهل أتحب..

 وده حقي..                                                                                                                                                        "علاقات خطرة"                                                                                                                                               دمتم طيبين والسلام.