(كرباج) اللازم و(حبل) المرفوض

 معظم الأمراض النفسية ليها أسباب بيولوجيـة معروفـة ومثبتة بدلائل علمية قوية، إلى جانب عامل وراثي لا بأس بيـه في كتير من الحالات.. لكـن.. في الحقيقـة الأمـراض النفسية مش بتتفسر بـس بالأسباب البيولوجية، أو بالعوامل الجينية.. ده فيـه عـشرات وربما مئات العوامـل الأخـرى الـلي بتتداخـل مـع بعـض علشـان تـؤدي في الآخـر للإصابة بالمرض ده أو غيره مـن أمـراض النفس.. ومـن أهـم العوامـل دي طريقة التربيـة، ومعاملـة الأب والأم، والرسايل اللي وصلت للأبنـاء مـن خلالهم، والـلي تأثيرهـا تضامـن مـع باقـي العوامـل لغايـة مـا أصبح عندنا مريض نفسي..

 زی ماعرفنـا قـبـل کـده.. كل واحـد فينـا بيوصلـه خـلال تربيتـه مجموعـة مـن الرسائل النفسية الـلي مـع تكرارهـا وتأكيدهـا مـن الأب والأم كل شوية تتحول لجـزء لا يتجزأ مـن التكوين النفسي للأبناء.. لدرجة أن الرسايل دي بعد كده تطلـع مـن جواهـم ليهـم تلقائيا وكأنهـا بتاعتهـم هـمـا شـخصيا .. يعنـي الـلي وصلتـه رسـايل من نوعية (إنـت مـا تستاهلش).. (إنت أقـل مـن غيرك).. (شـوف فلان أحسـن منـك إزاي).. هايكبر وتفضـل الرسايل دي جـواه.. وها يطلعلـه صـوت مـن جـواه كل شوية يقوله (إنـت قليـل ).. (إنـت وحش).. (فلان عمـل وإنـت مـا عملتـش).. وهكذا..

 إحنـا جـوانـا جـهـاز نـفـسـي مهـم زي الريكوردر متسجل فيـه كل الرسايل اللي وصلتنا في طفولتنا وصدقناهـا عـن نفسـنـا وعـن العـالم وعن الآخرين.. الجهاز ده شغال ٢٤ ساعة في اليوم.. حتى وإحنا نايمين، ممكن يبعتلنـا رسـايله في الأحلام.. الجهـاز ده حتـة منـك.. مش حاجـة منفصلة عنـك.. ولما الرسايل دي بتطلع لوعيـك، بتكون خلاص بقت بتاعتـك ..تصـور بـقـى حـد وصلتله رسايل نفسية وهو صغير (عـادة قبـل سن خمس سنوات) محتواهـا عبـارة عـن (إنـت مـا عـملتـش الـلي عليـك).. (إنـت دايما مقصر).. (أنـا مـش راضي عنـك).. (فيـه أحسـن مـن كـده).. (لسـه نـاقـص شـوية.. كمـل..).. لما الرسايل دي يصدقها عـن نفسـه ويخزنهـا جـواه.. لدرجـة إنـه يـبـدأ بعـد شـوية يتعامـل بيها مع نفسه.. تفتكر هايعمـل إيه؟

 بكل بساطة الشخص ده عمـره مـا هايحس إنـه عمـل الـلـي عليـه.. هايمـلاه الشك في كل حاجة بيعملها..

 هايحس بالذنب والتقصير على كل خطوة بيخطيهـا.. لأنها دايما ناقصـة، ومـش كاملة، وكانت ممكن تبقـى أحسـن..

 الشخص ده كل ما يعمل حاجـة تطلع لـه فـكـرة ملحـة مـن جـواه تقولـه: (لسـه شـوية).. (مـا تعملتـش صـح).. (المفروض كانـت تتعمـل بشكل أفضـل).. (لازم تعيدهـا تـاني علشان تطلع أحسـن).. (أنا لسـه مـش راضي).. (اعمـل الصـح).. فيعيـد ويزيـد الـلي عملـه علشان يهدى ويرتـاح، وترجـع الفـكـرة تتكــر تـاني.. وهكـذا.. وهكذا.. بلا نهاية..

 الموضوع ده ممكن يحصـل في النضافـة، الوضوء، الصـلاة، النظام، الترتيب، الأكل، الشرب، الاستحمام، قفـل وفـتـح البـاب، طريقـة وتفاصيـل اللبـس.. أي حاجـة.. أي حاجـة.. سلسلة لا نهائيـة مـن الشـك والمراجعـة وعدم الرضا.. واحـد اتربى على إنـه دايما مشكوك فيه.. دايما مـا فيـش رضـا مـن أبـوه أو أمـه.. مـا يشكش في نفسه وفي أفعاله ويعيدهـا ألـف مـرة كل يـوم ليـه يعنـي؟اللى بنوصفـه ده هـو واحـد مـن أشـهـر الأمـراض النفسية وأكثرهـا انتشارا.. اسمه (الوسواس القهرى).. وساعات بيتحول إلى سمات وخصائص شخصية عميقة وطويلة الأمد، ويبقى صاحبهـا مصـاب باضطراب (الشخصية القهرية)..

 فيـه طبعـا شـكـل تـاني مـن أعراض المرض ده.. وهـي أفكار متلاحقة بتطلـب مـن المريض إنـه يـشـتـم حـد أو يسئ إلى حـد.. وساعات كتير الحـد ده بيكون ربنا.. وفي الحقيقـة ربنـا هنـا مـش بيكـون مقصـود بـيـه ربنا نفسـه قـد مـا هو رمز لكل سلطة أبوية / والدية اتعامـل معاهـا المريـض في حياتـه ووصلـت ليـه رسـايل قاسية بالشكل اللي وصفناه..

 ساعات كـمان تتوارد على ذهـن المريض أفكار أو صـور جنسية ويحاول يقاومهـا ويقـاوم الانسياق وراهـا، وده ساعات بيكـون برضـه شـكل مـن أشكال الاعتراض والتمـرد عـلى تربيـة قاسية وعنيفـة..

 مريض الوسواس القهري بيكـون جـواه عملاق نفسي ضخـم، صوته عالي وتأثيره قـوي.. عملاق جبار لا يرضى أبدا.. في إيده سلاحين في منتهـى القسـوة.. سـلاح الشـك.. وسـلاح الشعور بالذنـب.. بيستخدمهم علشان يسلط على المريض أفكار وخيالات وصـور بشكل متلاحـق ومتواتر ، لا يكل ولا يمـل.. وطـول الوقت بيعيـد جـواه نفس الرسائل القديمـة الـلي وصلتـه: (إنـت مـا عمـلتـش الـلي عليـك).. (إنـت دايمـا مـقـصر).. (أنـا مـش راضي عنـك).. (اعمـل الصـح)..العملاق ده لغتـه ومفرداتـه كلهـا عبـارة عـن مشتقات وتنويعـات مـن (لازم) أو (المفروض).. مجموعة هائلـة مـن اللـوازم والمفروضات اللى كل واحدة فيهـم عاملة زي السيف الحـاد المسلط على نفـس صاحبهـا بـدون راحة أو هـوادة.. واللي أصلهم كلهـم تربية قاسية

 وتنشئة صعبة..

 عاوز أقولكم بكل معاني الأمل والرجاء..

 ارضوا من أولادكم بأقل القليل.. بلاش تعايروهم بالتقصير وعدم الكمال..

 بلاش تجلدوهم بكرباج (لازم)..

 وبلاش تشنقوهم بحبل (المفروض)..

 سامحوهم واعذروهم واقبلوا خطأهم وضعفهم وفشلهم..

 وقبلها..

 سامحوا نفسكم.. واعذروها.. واقبلوا خطأ كم وضعفكم وفشلكم..

 إحنا بني آدمين..

 إحنا مش ربنا..                                                                                                                                                                                                                                                                                                                            "علاقات خطرة"                                                                                                                                                                                                                                                                                                                     دمتم طيبين والسلام.