لعبة (الحب المستحيل)
اللعبـة دي بيلعبهـا اتنين في منتهـى الذكاء.. وفي منتهى الغباء في المس الوقت.
هنا فيه اتنين بيحبوا بعض.. بيدوبوا في بعض.. مش قادرين يستغنوا من بعض.. لكنهم في نفس الوقت مستحيل ياخـدوا خطوة واحدة القدام في علاقتهم (في ثقافتنا ومجتمعنا اسمها مستحيل يتجوزوا).
يعنـي فيه صعوبات وعوائق كثيرة جدا واقفـة في طريقهم، وهم بيحاولوا يتغلبـوا عليها دون أي جدوى.. وخلي بالك من (دون أي جدوى دي).
طيب ودي فيها إيه؟ فين اللعبة؟
أقول لك أنا فيها ايه.الأول مهم نعرف إن أي لعبة بيكون فيها مستويين.. مستوى واعي (في العقل الظاهر).. ومستوى غير واعي (في العقل الباطن).. تصور بقى إن الاتنين دول على مستوى (عقلهم الواعي) عاوزين يتخطبوا ويتجوزوا وكل حاجـة.. بس من تحت لتحت. وعلى مستوى عميق جـدا من (عقلهم الباطن).. هم مستعدين يعملوا أي حاجة علشان مايتجـوزوش.. وأول حاجة عملوها علشان مايتجوزوش هي إنهم اختاروا بعض.. تصور!
أنا شايف دلوقت علامة استفهام فوق راسك.. وعيونك المبرقة.. ومقدر جدا حجم غرابة ودهشة الكلام.. . .. بس خليك معايا.
تخيل واحدة مرعوبة من الجـواز.. عندها تخوفات كتيرة جدا منه. شافت علاقات زواجية فاشلة جدا (واحتمال علاقة أبوهـا وأمها تكون منهم). سمعت عن بلاوي وبلاوي في البيوت.. كرهت الجوار والمتجوزين وسيرتهم.. لغاية ما قررت في أعمق أعماقها إنها مش ممكن تتجوز.. وبدأت تنفذ قرارها ده فعلا.. بس بشكل غير واعي.. أو غير واعي قوي يعني.. تمام؟ تمام.
إيه بقى هي أذكى وأمهر طريقة تقدر تمارس بيها قرار عدم الزواج؟
الطريقـة دي هي لعبة (الحب المستحيل).. يعني تختار واحد تحبه وتقرب منه وتدي له قلبها.. بس الواحـد ده عنده ظروف معينة تمنعه من إنه يتجوزها.. منها مثلاً إنه يكون متجوز ومخلف وعنده عيال.. أو (في ثقافتنا) يكون من دين غير دينها.. أو يكون فيه فرق سـن شـاسـع بينهـم وبين بعض.. أو يكون مش مستعد للجـواز دلوقت .. أو عنده أي حاجة تخلي زواجه بيها مستحيل.. أو تخلي أهلها يرفضوه.. أو أهله يرفضوها.. أو الاتنين مع بعض.طيب هي تعمل كده في نفسها ليه؟ علشان هي مش قادرة تواجه نفسها بقرار عدم الزواج اللي جواها.. اللي عملت اللي عليها قدام نفسها.. أهوه.. أديني حبيت وسلمت ... بس الموضـوع صعب. أدينـي قاومت وحاربت.. بس المشكلات أكبر من قدرتي.. أديني صبرت واستحملت واستنیت.. بس ما لقيتش أي حاجة.
طبعا أنا ماعنديش أي مشكلة مع فرق السن أو الثقافة أو المستوى الاجتماعـي أو غيره.. بس أنـا هنا باتكلم عن اختيار ده كجزء من قرار العـلي (بعـدم الزواج)، مـش اختياره الواعي والمسؤول (من أجل ازواج).
عنده .. بس واحد تاني عنده عقدة من الجواز.. أو خوف من الالتزام والتقيد والمسؤولية.. أو زي مـا قـولـنـا Fear Of Commitment. احتياجات نفسية وعاطفية للحب والود والاهتمام.. فيقرر برضه من هواه إنه مايتجوزش.. وتكـون طريقته الذكية جـدا (والغبية جدا في الوقت نفسه) هي إنه يختار واحدة مستحيل ينفع إنه يتجوزها.. ويا سلام لو كانت هي كــان واخدة نفس القرار.. وبتلعب نفس اللعبة.. يبقى كـده كملت .. واتظبطت .. وياللا بينا نحب بعض من فوق.. ونموت الحب ده من تحـت. نحارب ونقـاوم من فوق.. وندور على صعوبات أكتر مـن تحـت .. نتقطع ونتعذب مـن فوق.. ونتمزج ونعمل (دماغ عذاب) من تحت .
اللعبة دي عاملة بالظبط زي أعراض الهستيريا.. اللي بتكون عند حد مليان حزن وقهر وغضب . . فيقرر عقله إنه يشل إيده مؤقتا.. فيبقى قدام افسه اتعصب وغضب وعمل اللي عليه.. بس عدم قدرته على تحريك ايده هو اللي منعه من أخد حقه.. من كتاب "لأ بطعم الفلامنكو" دمتم طيبين والسلام.
0 التعليقات:
إرسال تعليق